Skuli dzisiejszego świynta – Barbōrki – z cołkigo serca winszujemy wszyjskim bergmōnōm – tym,co fedrujōm pod ziymiōm i tym, kerzi robiōm na wiyrchu szczyńścio na grubie i bezpiecznego fedrōnku.
Niych ludzie majōm Wos w zocy, bo dziynki Wōm majóm ciepło w doma.
Niych Wasza patrōnka, świynto Barbara pamiynto ô Wos i mo ô Wos staranie cobyście kożdego dnia mōgli szczyńśliwie dōńść do szole i wyjechać na wiyrch, ku swoji familiji.
Jak to godajōm – miyjcie tela wyjazdōw, wiela zjazdōw.
A tym, kerzi już swoje na grubie łodrobiyli winszujemy radości i zadowolynio na zasużonyj pyndzyji.
Szczyńść Wōm Boże.
Śląscy Franciszkanie.
